‘Ncopp’a nave ‘e sàrvataggio,

tra ‘e cungègn’’e ancoraggio

ce stà ‘ll’ammore ‘e ‘o curaggio.

 

‘Nu vuluntario, c’’o frìddo dint’’o core,

vede‘nu barcone caric’‘e clandestine

che cumbattene contr’‘o destino.

 

Facimme ampressa: Accuoste ‘a buordo,

cala ‘e scialuppe, lancia ‘e salvagente

pe’ putè salvà tanta ggente.

 

‘A voce ‘e ll’aneme ‘nnucente

arriva forte ‘e chiagnulente:

Elpmì, Elpmì,‘e isso nun riesce ‘a capì.

 

Cu’ curaggio, cerca ‘e dà calore:

Viene ‘a ccà, abbracciate ‘a papà

che pure Allah te vulesse aiutà.

 

‘E criature  nun ce ‘a fanno ‘a riciatà,

cerchene ‘e ‘mmàne d’a carità

‘e continuene alluccà: Elpmì, Elpmì.

 

E’ ‘nu spettaculo brutto assai:

Quanno s’arriva, stremate, ‘ncopp’o puorto,

cu’ ‘e lacreme se scopre pure ‘o muorto.

 

‘O cumandante l’abbraccia ‘e ‘o ringrazia:

Nun chiagnere; sulo Dio ce po’ aiutà,

pe’ mustrà ‘o cuncetto d’’a solidarietà

 

Tu sì  guaglione ‘e c’’o tiempo

capisci che manc’’a vuluntà

pe’ cumbattere ‘a puvertà.

 

E’ ‘na battaglia che nun se vò fermà:

A ggente, pe’ cazzimme ‘o pe’ ‘nfamità,

aspetta sulo ‘o gesto ‘e ‘ll’autorità.